[A:348]sprul sku ngag dbang chos grags/ ri khud sprul sku bsod nams dbang phyug skyo mda' bla ma 'jam dbyangs kun dga' bstan 'dzin/ sde dge smad shod bla ma yon tan rgya mtsho/ thub bstan mkhan po bstan 'dzin rgyal mtshan/ chos lhun mkhan po bkra shis yar 'phel/ sde dge bla ma sangs rgyas bzang po/ bsod nams rgyal mtshan/ sangs rgyas dbang phyug sde dge chog dpon kun dga' 'phrin las sogs phyogs tha dad du bzhugs pa mtshan nas smos kyis mi lang ba dang / gdan sa 'di nyid kyi chos sde nyi zla zung 'brel mkhan po bla ma las sne dang / ngor e waM gyii mkhan zhabs phal cher gzhan yang dbus gtsang gi sa dgon phal che ba'i mkhan po grwa mang sogs mang du yod pa bcas/ mdor na de dus su yul dus bskal bar ma gyur na ma gtogs dus mtshungs ris med mkhas grub phal cher gyis zhabs la ma gtug pa med par yongs su grags shing / gzhan yang rnam thar bsdus pa las/ sngags 'chang chos rje a mes zhabs sogs kyi/ / mdzad bzang rjes su slob pa'i thugs bskyed ltar/ /tshogs phebs gdung rigs spel dang de bsgrigs soogs/ /ngor mtshar phyag rje khrid mthar gsal la 'dud/ /ces gsungs pa ltar/ tshogs phebs gdung spel sogs kyi mdzad pa rnams/ gong lo khams so so'i rnam thar rnams kyi nang du smos pa bzhin dang / bye brag rje rdo rje 'chang nyid kyi rje btsun sa skya pa'i sde bstan pa gdung rgyud dang bcas pa'ii 'thas su/ sprul pa'i lha khang chen mo gcig pur yang shar nub