[A:347]gyi dbang po'i chos grwar gsung ngag slob bshad/ rnal 'byor ma sogs chos 'khor rgya cher bskor ba las/ gzim 'og bstan 'dzin 'phrin las yon tan/ gzim 'og sprul sku byis pa bstan 'dzin snyan grags sogs mkhas grub rim byon gyis gsang chen slob bshad kyi bzhed gzhung sengge'i sgra dbyangs cher bsgrags pas/ deng sang gi bar du yang dgon der dar rgyas bzhugs pa las shes so/ /de rjes gdung ma lta bu'i bstan pa'i khur bzod pa'i zhal slob brgyad bgrang dgos pa ni/ gong gi ka ba dang po rje btsun 'chi med bstan pa'i nyi ma'am gnas lnga rig pa'i paNDi ta chen po byams pa dpon slob kun bkras gang rung gi gcig ka bar nges na/ cig shos gdung mar nges shing / de gras gnyis pa lha chen mkhan po chos bkra shis/ de nas rim bzhin/ gdan sa'i zur ba 'chad pa rgyab 'chang ba rin chen rgyal mtshan/ grangs chen mkhan po zhal dkar ba ngag dbang shes rab/ lce rigs gzim 'og sprul sku bstan 'dzin 'phrin las/ ri khud sprul sku kun dga' mkhas grub dbang po/ ngor khang gsar mkhan po/ sde dge gra sgang mkhas grub kun dga' blo ldan rnams yin par sems te/ 'di dag dbang khrid lung sogs mang po'i brgyud par snang bas so/ /des na sngon dus lho brag mar pa lo tsA sogs la lung bstan pa bzhin slob ma ka chen bzhi sogs kyii tha snyad byung ba bzhin de rang 'dra ba shin tu ngo mtshar gyi gnas dang gzhan yang rig grol gnyis ldan gyi yon tan la dbang 'byor pa/ a li chos rje