[A:29]gnyis nas bzung nyin gsum la gser khrir mnga' gsol dngos gzhi'i dga' ston snga ma gnyis kyi tshe yab rje mchog nas gzhi thog pho brang gi yang steng du lha bsangs dang / de nas sngar srol ltar bca' sgrig sngon du btang nas/ nyin dang po la/ rgyal ba zas gtsang sras pos chos 'khor bskor ba'i chos dung dkar po rgyang grags nyi rtse la gsung bskul gyis mkhas pa zil gnon rnams/ 'khor lo gsum ldan/ chos khri thang mo che sogs mtshan mchog gsum ldan gyi gser khri rin po che'i mdun du/ chos grwa rnam gnyis kyis gtsos sdom brtson sde snod 'dzin pa'i dge ba'i bshes gnyen rnams kyi gral gyi gzhir bzung / skya ser khri phrag langs pa'i tshogs kyi khrod du/ srid zhi'i gtsug rgyan 'jam mgon mi srid bzung ba sku mched sku mtshan dang dpe byad kyis spras shing / lta bas chog mi shes pa sku 'khor dang bcas pa rnams 'phags pa rta thul ltar spyod lam dul zhing / tshangs pa'i rgyal po ltar blo gros dang ldan pa'i sgo nas phyag legs par phebs te/ gser khri rin po cher sku gsung thugs 'gyur pa med pa lhan ne lhang nge / lham mer phebs bstun gsung rab klog pa/ maNDal 'bul ba sogs sngar rgyun gyi phyag len bzhin grub 'phral/ gnyis med gsung ba don kun grub kyis rigs can gsum la chos kyi 'khor lo bskor ba'i tshul ji lta bar rje rdo rje 'chang nyid kyis sems bskyed gsal 'debs nas brtsams/ 'jam mgon sa skya paNDi ta chen pos dbus gtsang khams gsum du tshogs chos su legs par