[A:30]gdams pa'i bstan bcos chen po/ thub pa'i dgongs pa rab tu gsal bar byedapa'i mtshan don nas bsam gtan gyi phar phyin yan legs par bstsal/ nyin bar mar gong bzhin bca' sgrig sngon 'gro'i sngar gyi 'phro nas sku gsum ye shes kyi rnam bzhag yan chad/ nyin gsum par skyabs mgon yab sras gsum char gong gi dge mtshan dang bcas phebs te/ rje rdo rje 'chang nyid kyis sngar gyi 'phros nas mjug gi sbyar byang bar tshang la ma nor ba/ kun gyi yid 'phrog pa/ gsung 'jam zhing snyan la dag cing gsal ba nye ring med pa tshangs pa'i dbyangs lta bu'i sgo nas der 'dus kun gyi rna ba'i bdud rtsir sim pa/ bsnyengs pa mi mnga' ba'i spobs pa gzengs mtho ba'i ngang nas bstsal bas kun kyang dga' bde'i dpal la lhag par sbyar ro/ /de ltar gyi skabs rten 'brel legs skyes phun sum tshogs pa bstar ba ni/ rgyal ba thams cad mkhyen gzigs bdun pa chen po mchog nas khyad du mtshar ba'i dgu tshan dgu/ sa skyong mi dbang yab sras nas de bzhin sogs mdor na gzhis byes dngos 'bul rmugs 'dzin dbang po'i gan mdzod la co 'dri ba dang / dge 'dun 'dus pa/ skye bo'i tshogs dang bcas pa la mang ja gdan non sbyin 'gyed gya nom pa stob pa sogs dang / gdan sa chen po'i rten khyad mtshar rnams la mchod pa snyan shal spyan gzigs/ gzhan yang zur 'bul gyi rnam bzhag dgos pa rnams kyang de bzhin bcas mdzad cing / rgyal dpon nas mol gtam phul grub rjes yab rje chos kyi rgyal pos/ gang