[A:355]sbyin sreg zhag bdun ma bcas thugs brtson che bskyed ngal ba khyad bsad 'phags chen byang sems chen po'i rnam thar ngo mtshar rgya mtsho'i sgo nas/ gegs med mthar phyin du mdzad de/ gzim chung gzhi lam 'bras dus smin grol dpal 'bar du gsung bskang smin rgyas thog/ tshogs kyi 'khor lo'i dga' ston rgya chen po la rol bar gnang zhing / mgul ba bkra shis pa'i lha'i reg bya khyad mtshar can dag gis spras nas/ gzim chung der mchis pa'i 'phral gyi nye mkhor thugs tshags mdzad pa rnams kyang so sor ngo sprod sogs mdzad de/ sku'i 'phrod bzhes la lhing chags gnad bsnun mdzad rgyu'i dgongs rtse mngon du gtod par gnang ste/ nag zla'i tshes gcig nas tshoms dmar mkha' spyod du phyag legs par phebs/ 'phrod bzhes rnams dang / spyi sgos nas zhabs pad yun brtan gyi bgyi ba mtha' dag 'bad pa chen pos zhus kyang / sems can las ngan spyod pa la/ /sangs rgyas kyis kyang ci byar yod/ /ces gsungs pa bzhin/ las ngan dus su bdo ba'i sems can gyi spyod pa ma rungs pa rnams la rje rdo rje 'chang nyid kyang thugs khrel nas dgongs pa gzhan du gtad pa la mngon du phyogs te/ res ni sku khams kyang star chags dang / res ni rje zhan bcas sku byugs/ gsol sman/ gsol zas/ sku rim rnams 'thus la shor bar bka' drin che skabs rnams su'ang skal ldan rnams la rjes gnang zab mo'i rigs sum cu kha par/ dud sol ma'i be'u bum gyi ljags lung sogs dang / khyad par zhal ngo rnams