[A:356]kyi dbu g.yas phyag gnyer sogs drag bsdus ji snyed par bzhugs khri pad ma can gyi steng nas rnam sras ser chen gyi rjes gnang gzab mo'i thog nas stsol ba'i tshe/ so sor 'byung 'gyur hur bskyed mdzad dgos kyi bka' 'ang grol ba dgongs gsal ltar dang / gzhan yang stod smad kyi bla tshogs ji snyed par bka' slob sngar bas kyang zhib rgyas 'byung 'gyur dang bcas/ spyi sger dad can rnams la mjal phyag zhabs 'chags/ bka' stsom/ gsung bris/ rnam sras bskang 'phrin/ sku rim gyi ljags bkod/ gnod sbyin 'khor lo mang po'i sgrub pa/ rje nyid kyi 'dra sku rin po che byes log gzhis brtan ces rje nyid nas mtshan gsol zhing / dar gling grub dbang la ma bstsal bar 'jam mgon mchog la bstsal ba'ang / de'i rten 'brel gyis rjes su mang mkhar nas sa skyar byon thub pa yin snyam du kho bo sems pa sogs la phyag nas rgyas pa/ las bzhi'i sbyin sreg phyag rdor gtum po'i dug dbyung rgyun ring bar/ ring mo'i dus nas rje nyid kyi thugs dgongs thun mong ma yin pa gro bzhin badzra ki la ya'i sgrub mchod thog 'grems par mdzad rgyu'i nor phreng phye phur sogs gos bzang dgu las grub pa'i mchod rdzas 'di rnams bka' gdams shing / spyan lam du'ang gzigs su gsol ba/ sde dge gnyer chen mgon tsher lugs zung gi bdag rkyen yang dag pa'i rgyal sras mchog la khab bzhes skor sogs phyi nang gsang ba'i bka' bstsal du ma sogs/