[A:361]bcas ji bzhin gsungs pa dang / phyag gnyer gsol gzim mchod sogs gzhan ma rnams la'ang gnang cha gya nom pa dang bcas so sor snga phyi bar gyi gsung gleng ji bzhin mdzad de/ dus gtor sogs la thugs gzhol ba'i skabs so/ /de dag kyang rnam thar bsdus pa las/ bstan 'gro'i don du sku srog phangs med btang / /dgra 'dre gdug rtsub byams dang snying rjes bskyangs/ /'khrul snang a 'thas rdzun gtibs kun 'dar dang / /kun bzang rang dbang thob la gsol ba 'debs/ /ces gsungs pa ltar ro/ /snron zla phyi ma'i tshes gcig bar du thugs dam nyams bzhes rnams chag med dang / spyi sgos nas zhabs pad yun brtan gyi gsol 'debs/ gsung bris/ zhal bkod sogs kyi skabs su'ang gdul bya'i blo sna 'khrid pa'i phyir du/ rje rdo rje 'chang chen po nyid kyi sku la skyon mi yong ba'i gsung 'ba' zhig snga phyi kun tu byon pa dang / khyad par gzim chung skor gyi rten rnams sku mdun du spyan drangs/ re re nas phyag bzhes kyis sngon byon dang rje nyid kyi phyag babs rnams so sor ngo sprod dang / bla ma gong ma'i rten sgam rnams kyang zhal phye nas so sor 'di dang 'di zhes bya ba'i ngo sprod sogs mdzad mu'i srod tho rengs kyi cha 'ga' zhig gsung dar dir gyi ngang du/ sa skyar phebs dus na bza' gzab ma dang bcas phebs dgos gsungs pa dang / nged kyis sa zhu kha gsar gsum brtsegs su bzhes yod gsungs pa dang / rje btsun rin po che grags pa rgyal mtshan zhes yang yang gsungs pa dang / rje btsun rin po che grags pa