[A:362]rgyal mtshan byon nas dbang skur kyin 'dug gsung mur thugs zag med kyi bde bar 'byams pa sogs ni dngos su mthong thos su gyur lags/ tshes gcig gi nyin rje rdo rje 'chang chen po nyid kyi dbu bla rnams la mchod bsham rgyas pa dang / dbu sngas kyi gsol lcog steng du yab rje rdo rje 'chang bsod namasarin chen gyi byin rten 'ga' zhig dang / khyad 'phags nas ma skyes dgra'i gdung skal sangs rgyas kyis 'phel gdung sogs spyan 'dren mdzad/ tshes gnyis kyi tho rengs kyi char sngar mu bzhin bzhes thug zhus pa yang gsol bar ma gnang nas/ 'o da thugs dam lam dus kyi nyams bzhes la 'jug go gsungs nas/ lam dus rgyas pa gnang ste mi bskyod pa chu dbang gi snying ga yan chad gang / shes rab ye shes kyi dbang thob/ ces yang yang bskyar zlos kyi tshul du thugs bde nyams dang bcas gsung mur/ rgyun ring 'das rjes rje btsun gong ma'i byin phye dang / sangs rgyas 'phel gdung sogs bzhes te/ rtag 'dzin can rnams chos la bskul ba dang / le lo can rnams brtson 'grus la bskul ba'i phyir/ nyi dro'i dus su gzugs sku 'od gsal chos dbyings su bsdu ba'i tshul bstan pa'i mod nyid la/ nam mkha' g.ya' dag pa'i khrod du 'ja' dkar po me tog rgyas pa'i dbyibs can dang / me tog gi char mang po rgyun ring bar babs shing / thugs dam zab mo'i nyams bzhes gsal 'debs sogs mdzad sgo rnams kyang ji bzhin 'jam mgon gong ma mchog gi bka' 'doms kyis mdzad nas/ yar