[A:366]thog rgyun 'dzugs sogs dgongs pa rdzogs thabs mtha' yas pa dang/ ma 'ongs pa'i gdung rgyud rnams sku tshe srid mthar brtan pa dang/ mdzad 'phrin phyir rje rdo rje 'chang de nyid kyi dgongs bzhed bzhin/ lha chen sprul pa'i khyams stod kyi gser khri chen mo'i rgyab kyi rgyal ba tshe mtha' yas pa'i snang brnyan rgya dngul rdo tshad brgya rtsar nyer ba las grub pa ngo mtshar can gzungs dang phra rgyan sogs/ de dus zin bris bzhin dang bcas/ rab tu gnas pa'i me tog gi char gyi byin mthu can du 'grub pa 'di sogs/ 'jam mgon dbang gi mtshan can sku mched dang / 'phrin las kyis kha lo bsgyur ba po mdzod pa grwa tshang pa kun dga' phun tshogs la sogs pa nas yang dag par 'bad med lhun grub kyi dge mtshan la brten rgyal bstan spyi dang bye brag brtse chen snying po'i lung rtogs kyi bstan pa yar zla ltar 'phel zhing / bstan 'dzin gyi skyes chen dam pa rnams sku tshe bde ldan mgoon po'i rang bzhin du grub ste 'gro rnams bde skyid rdzogs ldan dga' ston la longs spyod par 'gyur ro/ /'dir smras pa/ rgyal ba kun gyi mkhyen brtse nus mthu kun/ /gcig bsdus rdo rje 'dzin pa'i skur bzhengs pa/ /sa chen rdo rje 'chang dngos kun bla zhes/ /dus phyis sa bstan skyong la khyed 'dra ba'i/ /'gro mgon ma mchis yod na de nyid gang / /gang sku zhi dul lhun ltar brjid chags shing / /gang gsung mdo rgyud rgya mtsho'i mgrin snyan can/ /gang thugs zab cing brling la rtogs dka' ba/ /de dag tshur mthong rnams kyi snang ngo ste/ /don