[A:367]dam rgyal ba'ii ye shes las gzhan gang / /des na 'di nas byang chub snying po'i bar/ /brtse chen khyed las skyabs gzhan ma mchis pas/ /bdag cag 'khor bcas dus 'dir tshe mthar phyin/ /rigs rgyud dri med rgyun chad med byon nas/ /sa skya pa yi chos srid dge mtshan rnams/ /'phral dang yun du rgyas pa'i dge legs stsol/ /zhes kyang smras so//
2 dbang sdud snying po/
de ltar sa chen rdo rje 'chang kun dga' blo gros de nyid kyi rgyal bstan spyi bye'i phan bde'i gzhi rtsa skabs der gdung rgyud sku rkyang la thug par gong smos bzhin gangs ljongs skyes chen che phra du mas gsol btab ngor/ bdag mo chos lung ma bgres gzhon gnyis bzhes pa las bgres bar rje btsun tshe 'dzin dpal rgyas bu khrid dam rab tu byung ba'i mtshan tshul khrims dpal rgyas dbang mor grags pa de nyid yum bcas gzhon nu la gshegs shing / bdag mo chung lung ma skal bzang bde skyong bu khrid las/ gdung sku mched gnyis 'khrungs pa las/ gceng po bdag chen dpal ldan chos skyong ngam dbang sdud snying po zhes mtshan snyan srid mthar khyab pa de nyid ni/ nges don du slob dpon rin po che pad ma 'byung gnas dang thugs rgyud gcig pa yin tshul rgyal dbang pad ma ka ra nyid kyi zhal gzigs kyang lan gnyis tsam byung ba gcig da lta lha chen sprul pa'i gtsug lag khang gi slob dpon a su