[A:383]dge mtshan du ma dang ldan pas gsan par mdzad cing / dgung grangs bzhi pa me khyi lor 'jam mgon gcung rin po che bltams pa'i skor 'og tu gsal zhing / dgung grangs lngar me phag lo gzhi thog shar nub mtho dma' snyoms skabs sogs dang / dgung grangs drug pa sa byi lo mdzod pa shes rab phun tshogs 'das tshab lcam gra'i drung yig kun phun mdzod par 'khod skabs dang / nang so mgon khang nyams gso sogs gong yab rje dam pa'i rnam thar du zhib par song ba bzhin mdzad lo dang / dgung grangs bdun par gzhon nu nyid kyi a Nir gyur pa mchog gsum ma sku ma 'tsho ba yab rje mchog nas gshegs rdzong zhabs 'jug rnams dang gdung sras zung la dbang sogs rgyas par mdzad cing / lo de'i snron zla'i tshes 'gor 'jam mgon gzhon nu nyid sku yon gsan sbyang thog ma gnang rgyu'i sku rim du/ 'jam dbyangs chos rgyal ma spyan 'dren gyis mchod gshom rgyas pa dang bcas 'jam 'don/ bskang bshags/ sku khrus sogs la thugs brtson dang / tshes gsum gza' chos dge nyin yab rje rdo rje 'chang chen po nyid nas yon tan kun gzhi'ii yi ge'i ma mo 'dzin chos bcas 'bul gnang gi sngon 'gror/ sku gsung thugs rten sogs kyis rjes drangs/ phan bde 'byung ba'i sogs bstan 'dzin yun brtan sku tshe rgyas shing bzhed don 'grub pa'i thugs smon dang / khyad par/ sgrub dang sun 'byin gsal ba'i nyi 'od kyi/ zhes sogs kun mkhyen chen po'i tshad ma'i lam rim nas