[A:384]'byung ba dang / gzhung brgya 'chad pa'i lce bde blo gsal zhing / /sogs nas yongs rdzogs bstan pa'i bdag por 'gyur bar shog /ces sa lo chen po'i rnam thar dkon mchog lhun grub kyis mdzad pa nas 'byung ba de smon lam du bsgyur gnang dang / thub pa'i bstan pa rin chen gzhal med khang / /zhes sogs nas/ bstan bcos nyi ma'i snang ba rgyas byed shog /ces sdom gsum rab dbye'i gsham nas 'byung ba de smon lam du bsgyur gnang sogs mkhas pa'i mdzad pa 'grub pa'i thugs smon rnams 'bras dkar gyi char nyil bzhin du mdzad rjes/ glegs shing la gser bris kyi ka mad sum cu nas 'bul bar mdzad pas/ ka yi gi gu/ zhabs kyu/ 'greng bu/ na ro rnams phul bas a yig bar la rigs 'gre nus te mkhyen pa dang / gsung slob rnams kyang lan gnyis gsum la mkhyen pa sogs/ 'jam mgon bla mas/ skye ba gzhan du sbyangs pa dang / /mkhas pa du ma bsten pa dang / /rnam par dpyod pa'i blo gros kyi/ /shes bya kun la 'jigs med thob/ /ces gsungs pa ltar/ yab rje chos kyi rgyal po nyid thugs dgyes pa'i rtser son/ de nas nang so'i rab ston skabs kyi yon sgor 'jam mgon gzhon nu sku mched zhal ngo rnams dang phyag gnyer bcas phebs par de'i tshe 'jam mgon gzhon nu'i phyag tu/ rje rdo rje 'chang nyid kyi thugs bskyed kyis bskrun pa'i sa le sbram gyi khams las grub pa'i bum pa cha/ phud dam/ phud phor/ 'dren chas cha tshang gsum sogs gser spyad mang du mchis pa'i nang nas gser gyi phud