[A:396]'chang chos kyi rgyal po'i sku thog la 'jam dbyangs sku mched kyis gsung bshad gnang ba nas bzung 'di lo'i bar gdung rgyud gsung bshad gnang mkhan ma byung bas/ rje rdo rje 'chang chen po yab sras nas de lta'i rgyun bzang nub dogs thugs bskyed rmad du byung ba gnang ba'i tshe/ spyi sgos nas bsnyen bkur legs skyes zad mi shes pa dang / lhag par sa skya pa'i sbyin bdag sog po khal kha 'jam dpal rdo rje no mi han du grags pa dpon 'khor stobs chen zhig sngon du gzhis len skabs 'byor pa rnams nas/ 'byor phyag skabs dang skabs 'di bcas par maNDal rten gsum gyis mtshon 'bul dngos ji ltar rnam mang thos kyi gan mdzod kha phye ba lta bus rgya che ba dang 'dus tshogs la mang 'gyed gya nom pa bstabs/ spyi sgyur thog spyi sger nas legs so'i mgur dar sgron pa sogs phul byung gi mdzad bzang rnams grub nas khal kha mi sna rnams dbang chos zang zing gi skyes sogs kyis 'dod pa tshim par mdzad/ rje yab sras 'di zung snyigs dus kyi bstan pa'i gsal byed mtshungs zla ma mchis pa yin pa yang mdzad bzang 'di rnams kyis grub/ zla tshes bcu bzhi nas bzung 'jam mgon dbang gi mtshan can nyid sdom gsum rab dbyer gzhung 'don tshogs dbur thog mar phebs thog khal kha de dag dngul gyi maNDal dang / bstan pa rgyas pa'i thugs smon zhu rten rgya dngul bre chen rnams phul ba sogs 'phral phugs kyi la nye bzang zhing 'di nas bzung gzhung 'don tshes mchod la rtag par phebs par mdzad do/ /gzhan