[A:397]yang gdan sa chen po 'di nyid na bzhugs pa'i bde kyai gsang gsum bdag med ma kun rig nA ro mkha' spyod chos spyod bskang ba'i ring gtor bzlog khag dang bcas pa'i cho ga gdangs dbyangs phyag rgya bca' tshul sogs phyag len phra mo tshun chad thugs la bzung ste chub par mdzad nas/ tshogs phebs rtag par gnang ba dang de lo yab rje mchog nas gdung sras rnam gnyis la dpal chen badzra ki la ya yi dkyil 'khor du dbang bskur te smin par mdzad nas/ yab sras rnam gsum zhal rgyas nas phur bsnyen bdun gcig sbyin sreg bcas kyang gnang / de nas yab rje mchog nas sa tshogs chos khrid dar chen sogs rab gnas rgyas par mdzad tshul rnams gong yab rje'i rnam thar bzhin dang / dgung grangs bco lngar phebs thog rnam thar zhal gsung ma las/ bco lnga pa la khri thog bsdad nas su/ /bstan bcos thub pa dgongs gsal yong nges bskyor/ /yab rje dgongs pa dgyes nas che brjod mdzad/ /ces gsungs pa ltar/ de nas sa skya pa'i gdung rgyud rin po che rnams khri 'don gnang skabs dus phyis rim bzhin je rgyas su song gras/ dus mdos gzab ma rgyal zlar 'gyangs pa'i tshes 'gor gtor spod dang sbrags/ sgo rum/ nang so bdud 'dul phug skyes lhas/ bsam brling rnams su ru mtshon gsar pa bzhengs re dang / bdud 'dul phug min pa'i mgon khang bzhi la lha mdung gsar pa re 'bul ba bcas/ dus mdos 'phrin 'chol dang chabs cig thug chog re mdzad pa 'jam mgon bsod nams