[A:404]ltag skyed 'phrang / bkra shis lha khang / bla brang zam pa/ sengge sgo/ sde yangs bdun skas brgyud pho brang rtse'i gzim chung bzhugs khri la byon drung / gong gi rten rnams bshams/ de nas chos dung rin po che gzhi thog rtse nas thengs bcu gsum bskul/ gzhas sogs ni zhag grangs du ma'i bar du byung zhing / legs 'bul dga' ston zhag lnga ma gtang rag sogs la thugs gzhol bar gyur to/ /ces sngar srol bzang po mi nyams shing / da srol bzang po je rgyas su mdzad pa'i rnam bzhag rgyas pa ni/ de skabs mdzad pa'i rje nyid kyi zin bris so sor bkram pa rnams bzhin te 'dir ni mtshon pa tsam mo/ /chos khri rin po che 'di nyid du sngon byon gong ma rnams rim phebs dang / sa lo dgung snying shing sbrul bcu gnyis su phebs pa me 'brug lor khrir 'khod/ sngags 'chang chen po dgung snying me glang dgur byon pa shing byar khrir phebs/ bsod nams dbang po dgung snying sa lug bcu gnyis su byon pa lcags rtar khrir phebs/ sgar chen sa byi bcu gsum du byon pa lcags byi lor khrir phebs/ bsod nams dbang phyug sa stag bcu bzhir byon pa lcags yos lor khrir phebs/ mangga'i mtshan can me sprel bcu gsum du byon pa sprel lor khrir phebs/ bsod nams rin chen shing bya bcu gnyis pa me sprel lor khrir phebs/ yab rje rdo rje 'chang nyid sa bya bcu gnyis su byon pa lcags sprel lor khrir phebs/ 'jam mgon dbang sdud snying po nyid chu lug bcu drug tu byon pa sa khyi lor khrir phebs pa bcas sa lo dang