[A:405]sngags 'chang sku rkyang / bsod nams dbang po sku mched gnyis sgar chen sku mched gsum/ bsod nams dbang phyug mangga'i mtshan can/ yab rje bsod nams rin chen rnams sku rkyang / rigs brgya'i khyab bdag rdo rje 'chang chen po sku mched/ 'jam mgon mi srid bzung ba ngag dbang kun dga' dpal ldan chos skyong bkra shis grags pa rgyal mtshan dpal bzang po sku mched bcas las/ yab kyis mnga' gsol mdzad pa bsod nams dbang po nas mangga'i mtshan can bar dang/ yab rje bsod nams rin chen la dge 'dun tshogs chen nas shis brjod/ de nas so sor yab kyi mdzad pa bcas/ sngar srol la gsung bsngo'i mjug gi bkra shis mang du gsungs mthar mdzad pa 'dra mo rnam thar phal cher na mchis/ rje rdo rje 'chang sku mched la ni/ sna bdun/ rdzas brgyad gnang zhing / so so'i gzhung gsungs mthar shis brjod mang po gdangs dang bcas me tog 'thor bar mdzad cing / gang ltar yab rje bka' drin mtshungs zla ma mchis pa mchog nas chos khri mkhas pa zil gnon 'di nyid la zhabs tog tshar phyin ngo mtshar can dang / de'i shar phyogs kyi dar chen bkod legs/ khro khang khro chen la dkar g.ya'/ 'cham sku dregs pa zil gnon lcam dral/ las mkhan zhal 'bag gsar bskrun/ de dag thams cad kyi snga phyi bar gsum gyi deb dang / tho gzhi gsar sgrigs sogs bla ma gong ma rnams kyi dgongs zab rdzogs phyir dang / slad kyi spyan ltos bzang po 'byung bar 'gyur ba sogs thugs bskyed bla na