[A:407]grangs bcu drug tu phebs pa sa khyi nag zla'i yar tshes bcu gcig nas bzung rigs dang dkyil 'khor rgya mtsho'i khyab bdag yab rje rdo rje 'chang nyid kyi spyan sngar 'jam mgon sku mched rje btsun drung sogs la lam 'bras tshogs bshad rjes 'brel/ gzhan yang dbang rjes gnang khrid lung la sogs pa snga phyir gsan pa rnams 'dir phyogs gcig tu bkod na thog mar 'phags pa klu sgrub dang / rgyal sras zhi ba lha nas brgyud pa'i dbu ma lugs kyi sems bskyed/ jo bo rje nas brgyud pa'i blo sbyong don bdun ma'i nyams khrid lung bcas/ jo bos chos 'byung brgya rtsa/ dpe chos rin spungs/ man ngag rin spungs/ gtam rgyud rin phreng / sems dpa' chen po gzhon nu rgyal mchog dang / mus chen dkon mchog rgyal mtshan gnyis kyis bsgrigs pa'i blo sbyong glegs bam/ des mdzad pa'i blo sbyong khrid yig blo sbyong legs bshad kun 'dus rnams kyi lung blo sbyong zhen pa bzhi bral gyi khrid/ 'phags yul gyi slob dpon a bha yas phyogs gcig tu sgrigs shing yar lung lo tsA ba grags pa rgyal mtshan gyis bsgyur ba'i rgyal thabs rgya mtshor grags pa nas byung ba'i rjes gnang brgya dang zhe gcig rgya gzhung gi lung dang bcas pa/ ba ri lugs kyi sgrub thabs brgya rtsa rjes gnang don brgyad rgya gzhung gi lung dang bcas pa/ jo bo rje nas brgyud pa'i rjes gnang man ngag thor bu rnams mchims nam mkha' grags kyis phyogs gcig tu bsgrigs pa'i snar thang brgya rtsar grags pa nas byung ba'i rjes gnang so bzhi/ mchims