[A:406]med pas dus 'da' bar mdzad/ de ltar khri phebs mnga' gsol gegs med du grub mtshams/ rnam thar zhal gsungs ma las/ khri 'don mjug gi dga' ston ma rdzogs par/ /drin can ma ma chos kyi dbyings su thim/ /lugs mi rgyug pa'i sgo gcig 'di nas dod/ /ces gsungs pa ltar/ rta zla'i nyi shu skor la rgyal gsungs bka' 'gyur rin po che gsung sgrogs sogs sku rim rgya cher mdzad mu'i nyer gnyis la rgyal tshab de mo gong ma rin po che dang / nyer dgur rgyal yum skal bzang bde skyid dbu khrid zhi bar gshegs pas/ yab sras zhal rgyas nas yum mchog de nyid kyi dgongs rdzogs spyi dang bye brag gdan sa 'di nyid dang / lha ldan jo shAka rnam gnyis dbus lho byang gtsang khul gyi gnas rten dgon sde rnams la rgya cher bstsal zhing / da ltar bla brang shar na bzhugs pa'i sku rten du bdag cag gi ston pa'i snang brnyan gser zangs las grub pa/ gsung rten sangs rgyas mtshan lnga stong bzhi brgya lnga bcu bzhugs pa'i gser bris glegs bam/ thugs rten gser dngul ra ma lug gi mchod rten rin thang can sogs phra rgyan gyis phyug pa 'di rnams gsar skrun/ rab gnas rgyas pa bcas mdzad cing / rtsed gdong chos sde'ang bris thang gong bshams zhal khebs sogs 'gran bral grangs bcu bzhi dang / rnal 'byor ma dang kun rig gi cho ga sogs da lta'i bar du/ lo zlar chag med sgrub pa 'di rnams sbyor 'jags mdzad/ rgyal tshab mchog gi dgongs rdzogs su kyai rdor sgrub mchod sogs mdzad do/ /dgung