[A:35]rjes gnang bcas dang /
thun mong ma yin pa'i skor la/ grub rigs yongs kyi gtsug rgyan 'phags yul gyi paN grub 'jigs bral dpal ldan chos skyong la ye shes mkha' 'gro'i byin gyis rlabs shing gdams pa mngon sum du bstsal ba nas bzung paN grub dbang po gha ya dha ras/ gangs ri'i khrod kyi lo tswa ba yongs kyi gtsug rgyan 'brog mi shA kya ye shes la gdams ngag sgo skyes mdzad de/ rim bzhin rje btsun brtse ba chen po kun dga' snying po mchog la bka' babs shing / nye brgyud grub chen bir wa pa gtso 'khor lnga gdan sa 'di nyid du sa dkar po rgyab yol gyi tshul du mdzad nas brtse ba chen po nyid la zhal mngon sum du bstan te/ gdams pa yongs su rdzogs par bstsal ba bcas sa skya gong ma yab sras rnams nas rim par slob brgyud grags che ba ngor rdzongs gong dkar ba sogs mang du phebs kyang gtso bor rgyal bas lung bstan pa'i kun mkhyen e waM pa chen po dang / mus chen sems dpal chen po'i bar du byon zhing / de la slob tshogs grangs mang bas thun mong ma yin pa'i skor 'ga' brtse ba chen po nyid kyi rnam 'phrul bdag chen rdo rje 'chang blo gros rgyal mtshan nyid la zur du gsungs pa nas bzung / tshogs slob gnyis su gyes pa'i da lam thun mong ba gsung ngag rin po che'i tshogs bshad gsan skor la/ tshad ma snyan brgyud bzhi ba'i sgo nas 'chad dgos pa las/ dang po bla ma tshad mar bya ba'i phyir bla ma brgyud pa'i rnam thar