[A:34]yig steng nas/ sa lugs sme brtsigs dud kha'i rjes gnang / sa lo'i yig steng nas 'jam dbyangs dmar ser gyi rjes gnang / gu ge paN chen sogs kyi yig rnying steng nas gser chos 'jam dpal nag po'i rjes gnang / ngor chen dkon mchog lhun grub kyi yig steng nas ba ri brgya rtsa'i sgrub thabs rgyud sde gong 'og sna tshogs kyi rjes gnang bdun cu don brgyad/ ngor chen dkon lhun gyi tho yig mun sel sgron ma'i lung bcas gsan/
bla med kyi skor la thabs rgyud la gsang 'dus 'phags lugs mi bskyod rdo rje lha so gnyis kyi ras bris kyi dkyil 'khor du smin dbang gi thog ma sngags 'chang thams cad mkhyen pa kun dga' bsod nams kyi mngon dkyil dang / sngags 'chang chen po'i dbang gi mtshams sbyor bcas kyi steng nas bka' babs bdun ldan gyi dbang / shes rab kyi rgyud la/ grub mchog slob dpon nag po'i zab don sbyangs gzhi mngal skyes ltar bkral ba'i 'khor lo bde mchog lha drug cu rtsa gnyis kyi rdul tshon gyi dkyil 'khor du dbang bskur ba/ sngags 'chang kun bsod kyi sgrub dkyil dang / sngags 'chang chen po'i dbang gi mtshams sbyor bcas kyi steng nas gsan/ sngags 'chang yig steng nas tshe dbang grub rgyal ma rgyud srol mang 'dus gsan/
gnyis med rgyud la/ dpal dus kyi 'khor lo'i thun mong lha gsum gyi nang tshan klu gdon 'joms par byed pa rje sgo rum pa'i yig steng nas mkha' lding rdo rje khyung khra'i rjes gnang / ngag chos yig steng nas khyung nag