[A:414]ba ngor chen gyis mdzad pa zur 'debs bcas dang / thar rtse paN chen gyi yig lung bcas/ gnyis pa/ khyad par du ngor lugs thun mong ma yin pa gsung ngag rin po che slob bshad kyi skor la/ thog mar bla ma tshad mar bya ba'i phyir rnal 'byor gyi dbang phyug birWa pa la bstod pa a la la te nas bzung / rmor chen rdo rje 'chang gi 'khrungs rabs gsol 'debs kyi bar gyi bla ma brgyud pa la gsol ba 'debs pa'i skor gyi lung dang / rje btsun rin po che grags pa rgyal mtshan gyis mdzad pa'i bla ma rgya bod kyi lo rgyus nas bzung / gnas gsar pa ngag dbang kun dga' legs pa'i 'byung gnas kyi rnam thar 'jam mgon kun blo rang gis mdzad pa'i bar gyi rnam thar skor rnams kyi lung / sngon du 'gro ba'i sgo nas/ nyams myong tshad ma rgyud la skyed par byed pa'i khrid dngos ni/ rdo rje 'chang tshar pa chos rje'i gsung sgros 'jam dbyangs mkhyen brtse dbang phyug gis zin bris su mdzad pa'i khrid yig gsang chen bstan pa rgyas byed kha'u brag rdzong pa'i bzhed pa ma nor ba la gzhi byas/ bum dbang rmi lam man gyi khrid 'phro lus pa rgyal dbang lnga pa rin po ches mdzad pa dang / snang gsum gyi skabs su 'jam dbyangs mkhyen brtse'i gsung ngag byung tshul gyi zin bris kyi steng nas thog mar man ngag gi byung tshul dang / byung ba'i chos la bshad bsgrub bya tshul gyi gsung bshad shin tu rgyas pa dang / gzhan yang gsung bshad kyi rgyab skyor du dgos pa'i yig cha rnams dam pa'i phyag gzhes ltar mdzad de/