[A:415]lam gyi sngon 'gro snang gsum gyi khrid shin tu rgyas pa zhag nyi shu skor dang / de skabs rnams su'ang bla ma lnga bcu pa rtsa 'grel rnams kyi steng nas gsung bshad mthil phyin pa dang / sdom pa nyi shu pa rtsa 'grel gyi steng nas gsung bshad zhib rgyas dang / rje btsun gyi sdom pa nyi shu pa'i 'grel pa/ rtse mos mdzad pa'i chos la 'jug pa'i sgo bcas kyi lung / de nas maNDal tshom bu lnga pa la brten pa'i brgyud pa'i khyad par gnyis ldan gyi sems bskyed ngor chen dkon mchog lhun grub pa'i yig cha ltar dang / des mdzad pa'i yig cha'i steng nas slob ma rjes 'dzin sogs dbang gi mngon par rtogs pa brgyad dang ldan pa'i sgo nas dpal kyai rdo rje'i rdul tshon gyi dkyil 'khor chen por/ mus chen sems dpa' chen pos mdzad pa'i dbang chu dang / tshar chen gyi dbang chu'i gsal byed/ dkon mchog lhun grub kyi dbang gi mtshams sbyor chen mo sogs kyi steng nas rgyu dus kyi dbang bskur ba yongs su rdzogs pa/ mkhyen brtse'i yig steng nas aShTA'i bzlas lung dang bcas pa/ dngos gzhi grol byed khrid la/ thog mar lta bas spros pa gcod pa'i phyir du kun gzhi rgyu rgyud la 'khor 'das dbyer med kyi lta ba bsgom pa'i khrid dang / de skabs su dam tshig dang sdom pa'i gsum bshad shin tu zhib pa rje btsun grags pas mdzad pa'i rtsa ltung 'khrul spong gi lung dang bcas pa/ de nas 'jam mgon a mes zhabs kyis yig cha'i steng nas bdag med lha mo bco lnga'i dbang / lus thabs rgyud la dbang bzhi dang 'brel ba'i lam bzhi las/