[A:༤༡༥]ལམ་གྱི་སྔོན་འགྲོ་སྣང་གསུམ་གྱི་ཁྲིད་ཤིན་ཏུ་རྒྱས་པ་ཞག་ཉི་ཤུ་སྐོར་དང་། དེ་སྐབས་རྣམས་སུའང་བླ་མ་ལྔ་བཅུ་པ་རྩ་འགྲེལ་རྣམས་ཀྱི་སྟེང་ནས་གསུང་བཤད་མཐིལ་ཕྱིན་པ་དང་། སྡོམ་པ་ཉི་ཤུ་པ་རྩ་འགྲེལ་གྱི་སྟེང་ནས་གསུང་བཤད་ཞིབ་རྒྱས་དང་། རྗེ་བཙུན་གྱི་སྡོམ་པ་ཉི་ཤུ་པའི་འགྲེལ་པ། རྩེ་མོས་མཛད་པའི་ཆོས་ལ་འཇུག་པའི་སྒོ་བཅས་ཀྱི་ལུང་། དེ་ནས་མཎྜལ་ཚོམ་བུ་ལྔ་པ་ལ་བརྟེན་པའི་བརྒྱུད་པའི་ཁྱད་པར་གཉིས་ལྡན་གྱི་སེམས་བསྐྱེད་ངོར་ཆེན་དཀོན་མཆོག་ལྷུན་གྲུབ་པའི་ཡིག་ཆ་ལྟར་དང་། དེས་མཛད་པའི་ཡིག་ཆའི་སྟེང་ནས་སློབ་མ་རྗེས་འཛིན་སོགས་དབང་གི་མངོན་པར་རྟོགས་པ་བརྒྱད་དང་ལྡན་པའི་སྒོ་ནས་དཔལ་ཀྱཻ་རྡོ་རྗེའི་རྡུལ་ཚོན་གྱི་དཀྱིལ་འཁོར་ཆེན་པོར། མུས་ཆེན་སེམས་དཔའ་ཆེན་པོས་མཛད་པའི་དབང་ཆུ་དང་། ཚར་ཆེན་གྱི་དབང་ཆུའི་གསལ་བྱེད། དཀོན་མཆོག་ལྷུན་གྲུབ་ཀྱི་དབང་གི་མཚམས་སྦྱོར་ཆེན་མོ་སོགས་ཀྱི་སྟེང་ནས་རྒྱུ་དུས་ཀྱི་དབང་བསྐུར་བ་ཡོངས་སུ་རྫོགས་པ། མཁྱེན་བརྩེའི་ཡིག་སྟེང་ནས་ཨཥྚཱའི་བཟླས་ལུང་དང་བཅས་པ། དངོས་གཞི་གྲོལ་བྱེད་ཁྲིད་ལ། ཐོག་མར་ལྟ་བས་སྤྲོས་པ་གཅོད་པའི་ཕྱིར་དུ་ཀུན་གཞི་རྒྱུ་རྒྱུད་ལ་འཁོར་འདས་དབྱེར་མེད་ཀྱི་ལྟ་བ་བསྒོམ་པའི་ཁྲིད་དང་། དེ་སྐབས་སུ་དམ་ཚིག་དང་སྡོམ་པའི་གསུམ་བཤད་ཤིན་ཏུ་ཞིབ་པ་རྗེ་བཙུན་གྲགས་པས་མཛད་པའི་རྩ་ལྟུང་འཁྲུལ་སྤོང་གི་ལུང་དང་བཅས་པ། དེ་ནས་འཇམ་མགོན་ཨ་མེས་ཞབས་ཀྱིས་ཡིག་ཆའི་སྟེང་ནས་བདག་མེད་ལྷ་མོ་བཅོ་ལྔའི་དབང་། ལུས་ཐབས་རྒྱུད་ལ་དབང་བཞི་དང་འབྲེལ་བའི་ལམ་བཞི་ལས།