[A:37]sems dpa' chen pos mdzad pa/ mus chen sems dpa' chen po'i rnam thar kha skong dang bcas pa kun mkhyen bsod nams seng ges mdzad pa/ de'i rnam thar gsung sgros ma gung rus mdzad pa/ kun mkhyen rin po che dang yongs 'dzin dkon mchog 'phel gnyis kyi rnam thar mus chen sangs rgyas rin chen gyis mdzad pa/ sangs rgyas rin chen gyi rnam thar kha skong bcas pa sa los mdzad pa/ sa los rnam thar dkon mchog lhun grub kyis mdzad pa/ 'jam mgon a mes zhabs kyi rnam thar khro phu dus zhabs pas mdzad pa/ grub mchog bsod nams dbang phyug gi rnam thar sngags 'chang kun dga' bkra shis kyis mdzad pa/ sngags 'chang kun dga' bkra shis kyi rnam thar mdzod pa nam bsam pas brtsams pa/ yab rje bsod nams rin chen gyi rnam thar mkhan chen kun zla 'od kyis mdzad pa bcas dang / gsung ngag byung tshul don gnyer dga' ba skyed byed dang / legs bshad 'dus pa'i rgya mtsho gnyis 'jam mgon a mes zhabs kyi mdzad pa rnams kyi lung nyams myong tshad ma khrid kyi gzhung shing bzhi las/ gzhung ji lta ba bzhin dkri bar mdzad pa'i snang gsum gong du song ba bzhin dang / snyan brgyud bzhi pa'i dang po dbang gi chu bo ma nub pa sogs bzhi las/ dang po la rgyu lam 'bras bu'i dbang gi chu bo ma nub pa gsum las/ thog mar brgyud pa'i khyad par gnyis ldan gyi sems bskyed dang / slob ma rjes 'dzin bsags sbyong gi khrid dmigs 'bog pa rnams ngag chos yig steng nas bstsal te/ yab rje rdo rje 'chang nyid grub bsnyen zhal