[A:38]gso bdun mdzad ring / bsags sbyong rnal 'byor phyag len ltar mdzad cing / de grol nas rdo rje theg pa'i smin grol gnyis las/ dang po ni sngags 'chang thams cad mkhyen pa ngag dbang kun dga' bsod nams kyi sgrub dkyil dang / sngags 'chang chen po'i dbang gi mtshams sbyor bcas kyi steng nas/ bcom ldan 'das dpal kyai rdo rje'i rdul tshon gyi dkyil 'khor du dbang gi mngon par rtogs pa bco brgyad dang ldan pa'i sgo nas rgyu dus kyi dbang gi chu bo ma nub pa sbyang gzhi sbyongabyed legs par ngo sprod de smin rgyas su gsan pa'i/ thun mong gi dbang drug gi skabs ngag chos yig steng nas rtsa sngags kyi bzlas lung bcas gsan nas/ dam tshig dang sdom pa ma nyams pa bsrung ba gsal ba ston pa rtsa ltung 'grel pa 'khrul spong rje btsun gyis mdzad pa/ mngon rtogs rgyas pa yan lag bzhi pa slob dpon rin po che rtse mos mdzad pa/ rje btsun chen pos mdzad pa'i mngon rtogs 'bring po yan lag drug pa tshig sna ring thung gnyis yod pa'i thung ba/ des mdzad pa'i bdag med ma'i rim gnyis 'khor dang bcas pa/ slob dpon rtse mos mdzad pa'i dbang gi chu bo chen po dang / zhi ba'i sbyin sreg cho ga zhib tu bstan cing rnam bzhag mdor bsdus pa/ rje btsun gyis mdzad pa'i las bzhi'i sbyin sreg cho ga mdor bsdus shing rnam bzhag rgyas par bstan pa/ tshogs 'khor 'bring po rje btsun gyis mdzad pa ste/ bdun po glegs bam gyi dkar chag gis zin pa logs su bzhugs kyang rung bar gsungs pa rnams