[A:443]gzigs te/ le lo can rnams brtson 'grus la bskul ba dang / rtag 'dzin can rnams chos la bskul ba'i phyir lo de'i snron zla phyi ma'i tshes gnyis kyi nyi dro'i khar ngo mtshar ba'i ltas du ma dang bcas re zhig gzugs sku'i bkod pa chos kyi dbyings su bsdus par brten/ rigs sras 'jam mgon sku mched zung / rje btsun bdag mo sogs dang / mdzod pa sogs zhabs 'bring pa rnams dang bcas pa thugs ngal bzod glags med pa 'jig rten pa'i gtam dper/ byi phrug thang skyur ri ma spang nas bu dor gyi ngang tshul la ci mdzad rol med du gyur pa'i tshul rnams yab rje gang gi gsol 'debs phyogs rgyal ma'i sbyar byang las/ snyigs ma bas kyang ches snyigs ma rtags tsam 'dzin pa la nye ba'i dus 'dir bde bar gshegs pa'i bstan pa rin po che spyi dang / bye brag rje btsun sa skya pa'i bstan pa rin po che la bzlog tu med pa'i sku gegs dang / khyad par bdag sa skya bdag po'i gzugs brnyan dbang gi ming can dang / bdag gi nu bo e waM bzang po/ a Ni kun dga' bsod nams bstan pa'i nyi ma dang kun skyid chos skal bzang mo/ a lce 'chi med bstan pa'i nyi ma/ lcam 'chi med dpal 'byor bzang mo ltos par bcas pa'i bsod nams kyi nyi ma dgung du nub pa'i dus dang / khyad par skal dman dbang gi ming can bdag gis bskal pa dpag tu med pa nas bsags pa'i las ngan gyi 'bras bu thog tu smin pa'i dus 'dir kho bo'i lus kyi srog chad pa dang / gdong gi mig ldong ba/ pang