[A:444]pa'i nor bu bor ba'i dus mthong ba'i skabs su kho bo sa skya pa'i gzugs brnyan 'u thug cing / hon 'thor ba/ skal pa dman pa/ mya ngan drag pos non pa khos ngu ma lab kyis sug bris su bgyis pa 'dis dpal ldan bla ma'i thugs dgongs rdzogs pa dang / bdag sogs sems can thams cad sdug bsngal drag po las grol ba'i rgyur gyur cig zhes gsungs pa ltar dang / dgung zhag ring 'jam mgon sku mched nas/ dpal 'khor lo bde mchog grub chen nag po pa'i lugs kyi rdul tshon gyi dkyil 'khor sgrub cing mchod pa dang / rje btsun 'chi med bstan pa'i nyi ma nas mkha' spyod ma'i sgrub mchod/ btsun mo a Ni drung kun skyid lags nas kyang / dgongs rdzogs sgrub mchod chos sde lho byang 'dus tshogs res skor gyis/ kun rig kyai rdor/ gsang 'dus/ 'jigs byed ro langs brgyad skor/ bdag med ma/ phur pa/ gur drag rnams kyi dkyil 'khor zhal phye ste mchod pa'i tshogs rgya chen dang bcas/ dkyil 'khor gyi gtso bo rnams dang / rigs bdag yab rje rdo rje 'chang nyid dbyer med par/ sgrub cing mchod bstod gsol ba 'debs pa/ bdag 'jug dbang bzhi len pa sogs dang / sku spur yid bzhin gyi nor bu rin po cher/ tshoms dmar du mchod tshogs dbus su gdan drangs te/ zhal ngo rnams kyis mtshon nye 'khor lha sde mi sde sogs nas byin rlabs zhu bar mdzad rjes rgyud sde nas bshad pa'i sku gdung chas bzhugs kyi/ lha khang mkhan chen sogs nas dus mtha'i cho ga'i sgo nas byin