[A:446]lugs ngor mus yar lung gong dkar sogs sngags dgon rnams su rgyud sde khag gi sgrub mchod dgos cha bcas pa rgya che ba dang / rgyal dbang yab sras/ dge ldan khri pa/ gling khag gi hu thog thu'i rigs sogs dang bar gyi sprul sku rnam gsum/ yab rje bde bar gshegs pa de nyid kyi dbu bla khag sogs zur 'bul 'os pa rnams la bsngo rten mtshan grangs na bza' skor spyad sogs rgya dpangs che ba/ khyad par dngul srang chig stong chig brgya re bdun zho drug gser srang brgyad cu gya brgyad dang zho phyed brgyad las grub pa'i byang chub mchod rten rin po che'i phra rgyan gyis phyug pa dang/ 'dra sku rin po che gsar bskrun/ lha chen khyams stod du rgyal ba tshe mtha' yas pa'i snang brnyan/ rgya dngul rdo tshad brgya rtsar nye ba las grub pa bcas su gong gsal spur cha gdung rus sogs byin rten sna mang bcas bzhugs pa dang / rab gnas thang ston ser 'du bcas/ lo ltar gyi dus dran gyi mchod par 'jigs byed rwa lugs bcu gsum ma'i sgrub mchod dang/ lho pas/ sdom gsum rab dbye/ kha skong rnam 'grel gyi gzhung skyor/ ser tshogs bcas ji srid bar sgrub bzhin pa/ 'di rnams gsar btsugs sogs yab rje rdo rje 'chang de nyid kyi dgongs rdzogs rgya che smin sgrub mdzad tshul sogs zhib pa gong yab rje'i rnam thar skabs su smos zin pa bzhin de skor gyi rnam thar mdor bsdus zhal gsung ma las/ lo de'i snron zla phyi bshol tshes gnyis nyin/ /skyabs gcig yab rje grub pa'i dbang phyug nyid/ /dgongs pa chos kyi