[A:447]dbyings su thim tshul bstan/ /kyee ma bla ma bral ba'i mgon med bdag /dam chos nor la dbang ba'i skal bas dben/ /zhes gsungs pa ltar dang / 'di skabs chos sde byang 'dir sgrigs lam rnams cung zad nyag phra bar/ da lta'i ban tshang chos khrims chen mo'am/ dge bskos su grags pa 'di bzhin bca' yig dang bcas sku mdun rang du gsar bkod kyi thog mar/ gro bzhin zla ba'i tshes bzhi/ nyi ma me bzhi 'grub sbyor nyin bzhengs te/ sgrigs gnon bya rgyu mdzad cing / cho ga phyag len che phra mtha' dag zhib bkod kyis ban tshang pa'i deb chen du grags pa dang / rgyud sde khag gi rdul tshon 'grems tho/ da ltar tshon dbor pa 'di rnams deb sgrig mdzad de ban tshang pa so so'i lta zhib mthil phyin bgyid pa las phyir gyar mi chog pa'i bka' gtad mdzad pa bcas/ nyams pa sor chud dar rgyas yun brtan gnas pa 'di bzhin byung zhing / lo 'dir phur sgrub skabs yab rje dam pa mchog nas 'go 'gyangs gsar bzo mdzad pa bzhin 'jam mgon dbang gi mtshan can nyid nas tshogs dbus su 'jam mgon a mes zhabs kyis mdzad pa'i phur pa'i rnam bshad sogs kyi steng nas dag gsal snyan gsum dang 'brel ba'i gsung bshad bka' drin bskyangs pa'i tshul rnams rnam thar rtsa tshig las/ 'di lo phur sgrub chen mo'i bshad las kyi/ /las 'khur skal dman mu med bdag gis zhus/ /zhes pa ltar rnam thar rnams su gsung bshad kho na las las rim sogs ni phyir lo gnang tshul 'dug cing / 'di