[A:463]'gro yang de tsam las zin bris mdzad pa ma mthong bas 'on kyang 'dis mtshon nus par sems/ de skabs gzhan phul kha btags sogs la gdung rabs myur 'byon gyi 'dod gsol sbyar ba dang bcas lha mor slar 'bul bar mdzad do/ /de nyin rten 'brel legs so zhes zhabs 'bring pa rnams la bka' bstsal ba ring min gdung rgyud phebs pa'i rten 'brel du nges shing / de mtshams nas mus chen chos nyid ye shes zhes/ rgyun du sgom sgrub kho na la bzhugs te/ bde kyai gur mgon sogs yi dam chos srung 'ga' zhig la bye bsnyen song ba'i bla ma bgres po de nyid la gong du bshad pa'i dbang khrid rjes gnang lung sogs lo gnyis tsam gyi khongs su rim par gsan cing / 'jigs byed dbang skabs 'jam mgon nyid nas bla ma de nyid rdo rje 'jigs byed du mngon sum du gzigs par nyid mdzad gsol 'debs las kyang / bdag la 'jigs mdzad zhal gyis mngon sum bstan/ /zhes sogs gsungs shing mgon po'i gsang khrid sogs stsol skabs kyang / 'jam mgon dbang gi mtshan can nyid nas gur mgon dngos su gzigs pa sogs la brten/ yab rje rdo rje 'chang kun blo phud pa'i sku mched zung gi dbu bla rnams kyis thugs dad che bar mdzad do/ /'di lo dpyid tsam nas gdan sa 'dir gdung rgyud bzhugs pa'i bla brang che bzhi las gzhan gsum gyi gdung rabs deng skabs mi bzhugs pas dus mchod gdung rgyud da lta'i bar la dar zhing rgyas par bzhugs kyang dus mchod bla brang 'di bzhin gog zom shin tu che