[A:464]bar/ da lta'i bkod legs ngo mtshar can 'di bzhin gsar bskrun mdzad de/ steng du bla ma lha khang ka ba bcu gnyis kyi sa gnam sa bar gsum gyi rgyan dang tshon rtsi sogs tshar du dngar bar 'jam dbyangs sa paN shel gtsug mar grags pa/ 'phags pa'i 'dra sku 'bul thog ma sogs rnying gras rnams dang / dus mchod gdung rabs sngags 'chang chen pos bzhengs mdzad rnams kyi zhal skong sku brnyan gang dgos rje sku mched sogs sbyin bdag gi snang brnyan sogs gsar bzhengs mdzad de bzhugs pa dang / mgon khang du rta mgrin yang gsang gi bla brgyud dang / gur lcam dral/ sngags 'chang chen po/ a mes zhabs/ kun dga' bkra shis pa rnams kyi thugs dam rten pu tra dmar nag rnams dang / gsar du rtsi dmar mched bdun gong 'og gsar bskrun rnams/ sman 'dam rin chen phye ma sogs kyi phung por rten 'dam dpe grags ma sogs byin rten mang bsres kyi rgyu las grub pa ma zad rtsi dmar sogs la med mi rung ba'i bla rdo srog 'khor sogs kyis mtshon ring bsrel rnam bzhis gong bur bskrun te byin rlabs dang rab gnas sogs 'gro mgon dbang gi mtshan can mchog nas mdzad pa rnams la gnam sa bar gsum du drag po'i rgyan dang / gtor ma gsum sogs drug rten gyi rdzas rnams dang / rten mdos bya rta g.yag sogs spyan gzigs sogs dang / 'khor lha srin sde brgyad kyi tshogs rnams gyon sbag gi tshul du gnas pa/ 'jigs shing rngam brjid dang ldan pa'i mthil du gnod sbyin chen po'i sku