[A:469]gzigs kyi rin chen gnyis pa las grub pa'i 'phags pa 'jig rten dbang phyug spyan ras gzigs bcu gcig zhal gyi snang brnyan dang / de nub kyi dngul grub rnam rgyal mchod rten bcas gser sogs rin chen du ma'i phra tshom gyis phyug pa 'di zung gsar bzhengs mdzad de rab tu gnas pa sogs bdag chen dpal ldan chos skyong nyid chog gra dang bcas rgyas par mdzad nas/ phyi skor la me tog 'thor ba gos sku zhal phye sogs sngon gyi phyag srol bzhin rab ston rgyas par mdzad dam snyam zhing / de tsam nas gdan sa 'di nyid kyi tsho 'dzin gyi gtso bo mkhan phyag gnyer gsum du grags pa'i nang tshan phyag mdzod grwa tshang pa nas/ sngon dus bdag nyid chen po bzang po dpal la gong ma'i lung gis gdung rabs spel bar bkod pa na/ de skabs gdan sa 'di nyid kyi dpon chen aka glan sogs kyis zhus ngor btsun mo drug tsam khab bzhes mdzad pa ltar slar yang khab bzhes nan du gsol ba btab tshul rnam thar rtsa tshig las/ der brten mdzod pa kun dga' phun tshogs nas/ /kye ma 'gro kun bsod nams dman pa'i mthus/ /da ni sa skya'i gdung rabs ma byon khar/ /sku zhabs sku ni nyag gcig 'di la thug /da ni bdag gis gsol ba btab pa la/ /thugs rjes dgongs te gsan bzhes mdzod zhu bar/ /da dung lha lcam gcig ni ma bzhes na/ /sa skya'i gdung rabs chad par gdon mi za/ /zhes pa'i zhu ba nan gyis phul lan du/ /sa skya'i gdung ni gzhan dang mi 'dra bas/ /yong snying 'dod na gcig la'ang mang du byon/ /med