[A:470]snying 'dod na btsun mo brgya yod kyang / kha ya lkog pa'i rgyu las dge mtshan med/ /de phyir lha lcam len par mi 'dod kyang / /cis kyang longs rang zer na blangs pas chog /byas pa'i don ltar lha lcam 'os tho rnams/ /brtag pa'i don du sgrol ma lha khang du/ /dka' spyad sdug khur mang du bgyis don la/ /rang byon bu mo a lig chug pa ltar/ /'di nyid gsang khog thog nas lcam du blangs/ /skal bzang lha yi bu mo 'chi med ni/ /tshe dbang zhes bya'i ming btags bcom ldan 'das/ /dges pa rdo rje'i rdul tshon dkyil 'khor du/ /bcug cing dam tshig las kyi gzung ma byas/ /ring por ma thogs rigs kyi myu gu zhig /legs par phebs kyang dang po dus las yol/ /de la brten nas lha lcam yi thang chad/ /nges 'byung skyo shas drag pos lcam ma 'dod/ /byas 'gyur rdo rje'i brag rdzong chen po ru/ /tshe dang sgrub pa mnyam pa'i blo gtad la/ /yang yang bshol btab mang du bgyis na yang / /khas len mi byed chos la shor nye'i skabs/ /bdag gi bla ma rnam 'dren bka' drin can/ /rgyal ba mus pa chen pos u tshugs kyis/ /bshol 'debs mdzad pas thebs chag nyan thog skabs/ /zhes gsungs pa ltar/ rta nag sger rang byon ma'i sras mo de nyid khab tu bzhes te skal bzang lha yi bu khrid 'chi med tshe dbang dpal lha mo zhes pa'i mtshan gsol te/ bcom ldan kyai rdo rje'i dkyil 'khor du dbang bskur te thugs rgyud smin par mdzad pa dang / gzhan yang lhag pa'i lha gsar rnying du ma'i dbang dang / byin