[A:475]drag po'i spyan gzigs su zhig gis mthong ba tsam gyis spa bkong bar byed pa 'di rnams gsar bskrun gyis 'jam mgon mthu chen dpa' bo nyid chog gra dang bcas pas rab tu gnas pa rgyas par mdzad skabs sogs su/ logs bris kyi ma mo'i skad 'byin pa dang bong bu'i sgra grags pa sogs/ cho 'phrul du ma byung tshul dang / yang rnam thar rtsa tshig las/ lhag par slar yang nAai pA la kho yi/ /rab 'jigs dmag gi g.yul ngo bshams pa'i skabs/ /gzhung sa mchog nas bka' bstsal lhur blangs kyis/ /drag po mngon spyod las mtha' mi gcig pa/ mnan bsreg 'phangs gsum mang po rems nas byas/ /nus pa thon pa'i skad kyang mang po byung / /zhes gsungs pa ltar bal dmag 'go pa sprel lo langs kyang / de nas sa bkras dang gdan sa gsum gyi sku tshab nas bal bod bar chings sgrig bgyis tshad kyang le 'grig pa zhig ma byung tshul gyis/ slar lcags khyi lo rong bkras rab ngos nas thon te gtsang phyogs phal cher bal dmag gis khyab te/ dgon sde che ba phal che ba ni rtsad nas stongs/ 'ga' zhig ni stong la khad du gyur/ dge 'dun 'dus pa rgya mtsho/ gnam sa'i khyon gang ba tsam bzhugs pa'i chos grwa chen po bkra shis lhun por yang bal dmag rnams zla gcig tsam bsdad pa sogs kyis zhabs 'dren ci cher gyur skabs/ gzhung sa mchog gi bka' don dmag bzlog mngon spyod kyi las sbyor mang du mdzad pas gor Sha'i dmag sgar rnams gtor zor 'ur sgra dang bcas nam mkha' nas dngos su babs