[A:479]sum cu ma lon gdung sogs kyang / /'byon 'phro 'byon pa'i mu rang yin nges la/ /gdung spel bya ba dgongs zhu mdzad pa 'di/ /rnal 'byor bdag gi sems la cung ma babs/ /'on kyang thog mtha' bar du drin che bas/ /rang 'dod kha tshang bdag gis ci la nus/ /zhes sogs gsungs pa bzhin dmag thag kyang phal cher lcags phag lor chod nas/ dag chen dbang sdud snying po'am dpal ldan chos skyong nyid dgung grangs sum cur phebs pa chu pho byi ba'i lo sa ga zla ba'i tshes bco brgyad la/ snyigs dus 'gro ba'i mgon po padma bdud 'dul dbang phyug kun dga' bkra shis mthu stobs bstan 'dzin bzang por grags pa nyid sku bltams pa'i dga' ston du dus mdos zab ma sogs gtang rag rgya cher mdzad tshul rnams phal cher chu lug lo yab rje nyid sku 'khrungs dus bzhin mdzad dam snyam shing / yang yab rje nyid dgung grangs so gnyis su phebs shing stag lor yab kun dga' rin chen bltams pa'i dga' ston du yum chen ban tshang pas mdos zab su grags pa'i 'cham gzigs phul cing / me 'brug lor bde skyid rje btsun du grags pa tshul khrims dpal rgyas dbang mo 'khrungs/ lcags sprel lor mgon po dngos grub dpal 'bar 'khrungs ston du mgon mdos zab mar grags pa mdzad lo dang / de rjes rgyal yum mchog la sku rlung snyun bzhes kyis gdung spel dgongs zhu mdzad tshul bcas rnam thar rtsa tshig bzhin dang / gzhan yang sa rta lo nang dpal sa skya'i byang ngos bde mchog pho brang 'di bzhin