[A:480]sngon dus chu mig bla brang zhes chu bo gangga tshun chad la 'gran zla dang bral ba'i slob dpon rin po che bsod nams rtse mo'i gzim spyil dang / de rjes sngags 'chang chen po dang / 'jam mgon a mes zhabs rnams kyi sku dus nyams gso rim par mdzad kyang gog zoms la nyams gso gsar bzhengs lta bu mdzad pa'i steng thog bar gsum gyi bla ma lha khang du sngon sngags 'chang chen po'i sku dus bzhengs par mdzad pa'i/ bla ma sa chen yab sras gsum sa lo chen po rnams la dpal 'khor lo bde mchog gi dbang dang lam gyi bla ma brgyud pa'i zhal skong gang dgos nyid kyi dbu bla rnams dang / 'jam mgon dbang gi mtshan can yum sras rnams dang bcas sbyin bdag gi tshul du bzhugs pa mthong ba tsam gyis yid 'phrog pa 'di rnams dang / bar thog du yi dam lha khang du rten gtso dbus su dpal bde mchog mi tshad che tsam la/ snying po'i rnal 'byor ma bzhi dang / thugs gsung sku'i lha tshogs/ sgo mtshams ma brgyad bcas kyis bskor ba/ de 'og mgon khang steng bstar la gur mgon gyi bla brgyud dang / sngon dus kyi rten rnying rnams g.yas g.yon gyi me ri sogs kyi nang bzhugs shing de dus gsar bzhengs mdzad pas gur mgon lha bcu gnyis ma'i steng dmag zor rgyal mo dur khrod bdag po yab yum phur srung dkar bdud lcam dral 'khor ru 'dren sde bzhi dang bcas pa rnams sa 'jim la rten 'dam sogs dang / gnas chen rnams kyi sa chu sogs bsres te bskrun pa rnams la ring bsrel rnam bzhi gzungs rdzogs spyi