[A:482]gi mtshan can gang gi zhabs rjes su 'brang zhing bstan pa srung zhing 'jig rten skyong bar bka' bsgos pa'i lha srung bzhi tsam yod pa las/ kun gyi gtso mo shangs mo rdo rje bu khrid du grags pa ni/ shangs za phu'i gnas sgo dang po dang nye bar skyid phug par grags pa'i bu mor skyes shing / rgyun du gson 'dre byed cing kun la khog zhugs dang gnod 'tshe drag po byed pa zhig 'gro mgon dbang gi mtshan can nyid khul der phebs skabs bka' bsgo dam 'dogs mdzad pas gzhan la don med gnod pa cung chung du song ba de rjes mo rang yang phyi nang mi rnams brgyud pa chad de mo rang gi ca lag sgo yi lde mig bcas phul 'byor da lta 'dra 'bag gi mgo bor yod pa bzhin de skabs shin tu 'tshubs pas/ spyi bye'i bstan pa srung zhing 'jig rten skyong bar bka' bsgo dam 'dogs 'phrin gsol bcas mdzad pa nas bzung / da lta'i bar gdan sa 'dir bstan srung rnams kyi mngags gzhug tu gnas te srung skyobs byas pa 'di bzhin byung zhing / de mtshungs zab bu'i gnas bdag gdol pa nag por grags pa yang zhabs rjes su 'brangs pa'i 'di nyid kha'u'i gzhi bdag btsan chung ba 'di bzhin sngags 'chang chen pos bka' bsgo dam bzhag mdzad pa la mi gnas pa'i tshul gyis bdag chen nyid kyi gzigs snang du/ kha'u lung pa thams cad chus bkang ste gdan sa dus gcig tu phab ste 'joms par byed cing gzigs pa na/ bdag chen dbang gi mtshan can nyid thugs 'khrugs