[A:481]dang khyad par bstan srung rnams la dam pa kun grags dang sngags 'chang chen po'i sgrub yig bzhin so sor srog 'khor bla rdo khyad par gur mgon la gri snying lcags rdor rtse dgu sogs thun mong ma yin pa'i gzungs bzhugs rnams kyis phyug par rab gnas mdzad de/ steng 'og bar gsum du gnam sa logs kyi rgyan mchod rdzas spyi dang bye brag mgon khang du zhing chen gyi bla bre khrab rmog gri me mda' mdung sogs drag po'i rgyan dang / rtag rten rgyun gtor sogs mthong ba tsam gyis dpa' 'khums byed pa rnams la/ bdag chen dbang gi mtshan can nyid nas 'khor lo bde mchog la brten pa'i rab tu gnas pa rgyas par mdzad de dam ye dbyer med du byin gyis rlobs par mdzad do/ /de'i nub sngon sngags 'chang chen po'i sku dus kyi gzim chung bde ba can du grags pa gong ma na rim gyi dam rdzas bdud rtsi ril bu sgrub mdzad kyi gzim chung dang / gzim phug bzhugs g.yab gting du sman khang ka ba bcu gnyis pa/ de'i phur 'dam brdung rdo gtun dang bcas de'i nye mkho 'jog pa'i khang pa/ shod du rtse thab sgril rtsi bkang dang bcas pa bkod legs ngo mtshar 'di rnams gsar bskrun mdzad/ de'i lhor sngags 'chang grags blo sogs kyi gzim chung deng sang bde mchog lhor grags pa shod rnam sras rigs can bco lnga'i lha khang dang bcas pa 'di rnams kyang sku thog 'dir gsar bskrun mdzad pa mtha' klas mgon khang mdo'i g.yab la drag ris rnams nang so pu tra khang bzhin mdzad pa der 'gro mgon dbang