[A:487]nang sor a mes zhabs kyis pu tra'i zhal 'bag la sku byings bskrun pa'i dkar chag sor bzhag lta bus mdzad/ me ris kyi khrod gur lha brgyad 'byung 'dul sogs gsar bskrun mdzad cing / gzungs rnams zab par phul te steng du gser gyi ganydzi ra rgyal mtshan rnga thug kyis tshogs bcas gsar bskrun mdzad de/ rab tu gnas pa'i dga' ston bcas mdzad pa 'di sngon dus nas bzung gdan sa'i byang rgyud la chu gnod mi 'byung ba'i bka' bsgo mdzad pa bzhin phyi lo dgun dus grum chu sbos te bla brang zam sner thon tsam nas mchod zhing bya phra mar phyogs pas rdo skyor bgyis kyang bsrung dka' ba byung 'dug pa/ chos skyong gis cung zad kyang bka' las mi 'da' ba'i mtshan mar mngon pa der gnam sa bar gsum gyi drag po'i rgyan dang / drug rten gyi tshogs dang bcas gsar bskrun mdzad pa dang / de'i ltag gi dga' ldan bla brang 'di nyid dmangs nas brling chos mdzad de/ sngar las bkod pa rab tu son pa 'og gi mgon khang du rgyal chen bse khrab pa'i g.yas g.yon du mdung dmar can chos skyong dung thod can rnams sku gzugs dang bcas par gsar bzhengs mdzad/ bla ma bdag nyid chen po'i thugs dam rten gur mgon lcam dral sogs sngar yod rnams bzhugs su gsol te/ sngags 'chang bla ma nyid kyis rab gnas kyi me tog 'thor/ rgyal bstan srung bar slar yang bka' bsgos te spyan gzigs gtor tshogs sogs sprin ltar gtibs shing / bstan pa'i bya ra g.yel med mdzad slad bzhugs