[A:488]sa'i steng du gser gyi ganydzi ra dang rgyal mtshan rnga thug sogs kyis brgyan te/ dpal ldan sa skya'i mdzes rgyan du bzhugs pa dang / 'di'i shar 'dab na sngon 'phags pa rin po che rgya yul phebs skabs dha rma pA lA'i phyi rten gser 'bum la dpon chen shAkya bzang po dang shar pa 'jam dbyangs pa rin chen rgyal mtshan gnyis kyis gtsug lag khang steng du g.yu rtsi sgron pa'i rgya phubs phag sna ma bcas bskul te bzhengs pa deng sang gi bar du g.yu thog ces grags pa'i gtsug lag khang chen po 'di na bzhugs pa'i gser 'bum chen mo 'di'i 'gram na ma gcig mkha' 'gro 'bum gyi gser 'bum dang bcas pa bzhugs pa'i gtsug lag khang la sngags 'chang grags pa blo gros/ sngags 'chang mangga'i mtshan can/ yab rje dbang sdud snying po rnams kyis nyams gso dang khyad par 'jam mgon dbang sdud snying pos ldebs bris rnams thang kar spod gnang dang / bla bre 'phen sogs legs par bstsal te/ steng du g.yu rtsi sgron pa'i rgya phubs dgongs pa bzhes kyang lag rgyun med pas bzo pa kha shas nas sgrub khul bgyis kyang ha cang legs par ma byung ba de rnams bla brang shar gyi klu bha su dha ra'i pho brang steng phul ba 'di yin tshod/ g.yu thog shar ram 'jam chu bzhugs khri zhes grags pa'i lo rgyus cung zad gleng na/ sngon gyi dus su rgya mtsho dpon gyis gtsos gdan sa'i bka' khrims pa rnams chos khrims sogs bca' ba'i skabs kyi rgya mtsho dpon gyi bzhugs khri yod pa'i g.yas kyi ldeb bris la sa bir rje btsun rtse mo/ rje btsun grags