[A:489]pa sogs bzhugs pa la gnas bskor pa dag gi sdod yul byas pas dud skyon dang / khyad par bsam bral 'ga' zhig gis lam ngan dod pas sku so sor phur pa rtod de yo byad 'gel ba dang mi 'tsham pa la mtshams med kyi las gsog par thugs kyis ma bzod par/ de rnams bsrung ba'i phyir rigs sngags 'chang pa kun dga' bkra shis kyis gtsug lag khang du bsgyur nas rten gsar bskrun mang du mdzad de bzhugs pa slar yang gangs can bstan 'gro'i rtsa lag o rgyan rgyal ba'i rnam 'phrul dpal ldan chos skyong gis rmang nas gsar bzhengs mdzad de steng bla ma lha khang 'og tu mgon khang bcas bskrun par mdzad pa'i steng na sngar gyi rten gtso 'jam dbyangs seng zhon/ bram ze chen po sa ra ha/ chos kyi rje sa skya paNDi ta/ gzhon nu nor bzang / sog po'i rgyal po sde lnga la 'jam dbyangs gtso 'khor lnga zer ba dang / sa bir rje btsun bsod nams rtse mo/ rje btsun grags pa/ chos rje sa paN/ 'phags pa dgung lo brgyad pa'i sku tshad 'phags pa'i phyag nas ma/ yang kun bkras pas bskrun pa'i 'phags pa/ sngags 'chang bla ma de nyid kyis 'gro mgon 'phags pa'i phyi rten la nyams gso gnang skabs sngags 'chang bla ma mangga'i mtshan can nyid las mi rnams kyi khrod phebs nas bka' 'doms mthar phyin bstsal zhing phyi rten gser 'bum chen mo dbu btsugs te/ thugs smon nyams su bstar skabs dri bsung lha yi dri las kyang lhag par 'thul bas/ thugs dad lhag par 'khrungs te sgo rum gyi 'phags pa sme