[A:491]gsar bskrun mdzad pa dang / gzhi thog pho brang gi gnas bcu lha khang gi nub zur khyad byang mgon khang yan chad nas shar gyi zur bar ling bcos sku drin skyong ba sogs rags tsam dang / bla brang shar dang grwa shar rnams kyi mthong pa'i gser zangs rgyal mtshan sogs gsar bskrun rgya cher mdzad pa 'di rnams dang lha chen sprul pa'i gandho la chen po'i khyams stod du gong du bkod pa bzhin gser khri chen mo'i ltag gi rgyal ba tshe mtha' yas dang / de'i g.yas g.yon du rnam par rgyal ma dang / sgrol dkar yid bzhin 'khor lo/ gong du smos pa bzhin gang gi sku mched gcung po'i nang rten bcu gcig zhal rnams kyi snang brnyan rnams gser dngul sbrags ma las grub pa/ rin chen du mas rgyan spras pa 'di rnams dang / gang gi gdung sras bde gshegs mthu stobs dpal 'byor gyi nang rten dngul gyi gdung rten tsha gser ma rin chen du mas spras pa bcas gsar bzhengs rgyud sde nas bshad pa'i gzungs yongs rdzogs rab gnas kyis mtha' brgyan pa bcas mdzad/ rgyal chen thang du grags pa 'di na sngon dus rgyal chen bzhi g.yas g.yon du bris pa yod kyang mi srun pa 'ga' zhig gis nyams chag btang ba rnams sa chen kun blo'i sku dus bzhi char phyogs bsgrigs kyis byang ldeb tu spo bar mdzad kyang / sngar gyi snang tshul mngon du gyur pa thugs kyis ma bzod par da lta'i rgyal chen bzhi 'bur sku 'gro ba'i don la ring tshul bzhengs stabs can thog so gnyis tsam 'di rnams gzungs rnams rgyud sde nas bshad pa bzhin sgrub par