[A:492]mdzad pa 'di rnams dang / de'i lcags sgo g.yas g.yon gyi srid pa'i 'khor lo cha lnga pa dang / mngon pa nas bshad pa'i 'jig rten snod bcud kyi 'khor lo'i ldeb bris 'di rnams thog phibs bcas gsar bskrun mdzad/ gtsug lag khang gi sgo khang du 'khor lo 'di dag bris pa'i dgos pa ni las 'bras la rmongs pas srid pa 'di dag tu las dang mthun par skyes/ de dag gis sdug bsngal myong nas bde 'gror skyes/ rten de la nges 'byung skyo shas kyis srid pa la chags bral byed dgos/ ma thub na slar yang 'khor bar lu gu rgyud du 'khor bas lam chos dang mjal dus 'dir srid pa 'di dang sdug gyis thub pa zhig bya'o snyam pa'i nges 'byung bskyed phyir 'du khang gi sgor bris pa lags/ lha rtse theg chen pho brang gi nub tu o rgyan rin po che gtso 'khor snang brnyan ngo mtshar can 'di rnams kyang gsar bzhengs mdzad/ 'di'i nang gzungs su gu ru rin po che de nyid btsan po khri srong lde btsan la dgung lo brgyad pa lta bur bstan te rdo la zhabs rjes bzhag pa de nyid gtso bor bzhugs pa'i ring bsrel rnam bzhis phyur bur bkang ste rab gnas mdzad pa po yang slob dpon nyid dang rnam dbye med par lung gis bsngags pas na/ deng skabs slob dpon dngos dang rnam dbye ma mchis/ snang brnyan 'di dang / thigs g.yab shar lho nub gsum dang phur khang khyams stod smad thog kha'i zhal ba rnams nyams gso gsar brdung mdzad pa dang / de rnams kyi shar lho'i mthil gyi 'jam khros lha khang ngam 'jigs byed lha khang du grags