[A:499]chibs bsgyur te dpon 'khor rnams rdo ring phyi nang sde yangs shar bcas par sngar gting chibs zhol lugs sogs ma mdzol ba'i sgo nas gong sa rgyal dbang thams cad mkhyen pa blo bzang 'jam dpal rgya mtsho bstan pa'i dbang phyug dpal bzang po'i gser zhal mjal bar/ maNDal/ rten gsum/ 'gyogs dar nang mdzod 'bul mtshon rgya cher bstabs pa sogs dang / dngos gzhi khri mjal skabs/ mgon po gang gi sku mdun du ban tshang pa dang bcas bzhengs te maNDal 'bul ba/ rten gsum gyi bshad pa sogs dang dngos 'bul gser dngul gyi tshan grangs rgya che spam mtho ba 'bul ba sogs shing glang lo 'jam mgon kun blo'i sku dus kyi lam bzhin mdzad yod 'gro snyam pa dang de nas gzhung sa mchog nas snga bar phyi gsum du ja mar rtsam 'dur chag sogs do lnga bcu sogs kyi zur gsol gya nom sogs 'bul bar mdzad cing / de ring la jo shAka rnam gnyis sogs lha sa thil dang / rtser 'phags pa lo ke shwa ra dang / gser gdung khag sogs la sna lnga'i mchod 'bul khrus gsol rab gnas rgyas par mdzad snyam pa dang / de mtshams gong sa mchog nas dpal chen rdo rje gzhon nu'i stod las kyi dbang / nyang gter gu ru drag dmar gyi dbang sogs bzhes pa/ gur drag dbang gi skabs gong sa chen po nyid nas bdag chen dbang gi mtshan can 'di nyid gur drag dngos su gzigs pa sogs kyi ngo mtshar kyang byung / don du bdag chen 'di nyid rang re gdul bya rnams kyi snang ngor mir snang ba tsam las