[A:500]don du padma 'byung gnas nyid las gzhan du ma 'das pa'ang skyes chen dam pa phan tshun gzigs snang 'di nyid kyis grub/ de nas gzhung sa mchog gi bka' dgongs mtha' dmag bzlog thabs su lha ldan gyi phyogs bzhir mnan pa'i steng mchod rten 'debs pa/ rdo rje gzhon nu sogs gtor bzlog kyang mang du mdzad skad dang / chu phag dbyar zla gang rigs zhig la rgyal yum dam tshig sgrol ma zhes rang byon ma sku chung ba de nyid la ngag dbang kun dga' rgyal mtshan lha klur dga' tshal gyi mchor khang de nyid du sku bltams pa/ rgyang tsam nas gong sa mchog mjal skabs sku pang du bzhes shing dbu phud 'bul gnang gis ngag dbang 'jam dpal bde legs rgya mtsho zhes pa'i mtshan gyi cod pan stsol bar mdzad pa sogs gzigs bzos che khar gdan sa 'di nyid kyi dgon lag zangs ldan chos sdes mtshon spu dkar gzhis ma lag gtan tshigs dang bcas pa dang / sngar yod chos gzhis khag la'ang 'byed phra rgyab gnon gtan tshig bcas 'bul sbyor mdzad pa ma zad/ sku thog 'di la sa rta rgya bod dpyad mtshams zhes sngon sa sprel lor gor bod zing zhi skabs nas 'di ga'i chos gzhis rnams la de snga nang khral khag las phyi khral rmon rngod dmag rma bya lha thil gyi mjal skyes tsam las gzhan pa'i khral med kyang / sa sprel gor bod zing zhi nas bzung lam gtogs 'khri sgrub gzhung bla'i rdzong gzhis sa khongs spyi 'gros ltar sgrub dgos kyang / da phyin sngon lam ltar gyi steng gong sa mchog dang gong ma'i sku tshab am ban