[A:505]log sgyid skyur snag shog gzon pa las/ /dge mtshan med pas mang po nyung bsdus na/ /grub chen brgyad cu'i rjes gnang kyai rdor gyi/ /rgyud dbang la sogs 'chad pa mang du byas/ /da dung byed dang byed lus 'di bzhin lags/ /zhes gsungs pa ltar dam pa'i yon tan drug gam dgu las / dang po ni 'chad rtsod rtsom gsum las/ dang po 'chad pa ni/ snyigs dus kyi gdul bya rnams dad gus dang brtson 'grus zhan pas dam tshig sogs ji bzhin srung sdom mi nus pa la dgongs nas dbang lung 'chad spel rgya cher ma mdzad mod/ 'on kyang gdung sras sku mched sogs skal ldan gyi zhal slob rnams la grub chen brgyad cu'i byin rlabs dges rdor rgyu lam gyi dbang / bde mchog nag po lugs gsang 'dus 'phags lugs rdo rje phur pa'i stod las smad las kyi dbang / 'jigs byed rwa lugs bcu gsum pa rta mgrin yang gsang lha dgu kun rig dze ta ra'i lugs kyi tshe dpag med lha dgu nyang gter gur drag na ro mkha' spyod ma sogs kyi dbang byin rlabs thub dbang gnas bcu 'jam dbyangs smra seng / 'jam dkar/ rta mgrin skyer sgang / phyag rdor gtum po/ khyung khra nag rnam rgyal/ rnam 'joms/ ri khrod ma sogs kyi rjes gnang / byad grol gser sde sogs yang yang stsal zhing / smin gling 'dod 'jo'i bum bzang gi dbang lung yongs rdzogs lan kha shas bstsal tshod bcas dang / gzhan de skabs su zur chad pa zhes sa chen kun blo'i sku dus su rgyab 'chang pa dpon slob rin chen rgyal mtshan dang