[A:506]sku thog 'di skabs su bal spel khang gsar ba dpon slob kun bkras zhes rig pa'i gnas lnga la mkhas pa'i paNDi ta de nyid dang / gzhan yang de skabs rje btsun 'chi med bstan pa'i nyi ma dang / sgo spel mkhan zur kun dga' rab rgyas/ dga' ldan dpon slob byams pa bstan pa'i rgyal mtshan sogs sa chen kun blo'i dngos slob lam 'bras sogs 'chad spel gnang mkhan mang la rags pa yod tshod du 'dug kyang rnam thar tshigs bcad ma gong 'phros las/ nang don mthar thug rtogs min la sogs pa/ /sngar brtsad rtsod dang rtsod mus legs so zhus/ /zhes gsungs pa ltar/ gnyis pa rtsod pa rdo rje'i me char gyis log lta'i ri bo bsnyil tshul ni/ 'jam mgon kun blo'i gsungs las/ rtsod pa'i rig pa la ma sbyangs kyang babs thog rtsod shugs shin tu che ba yod gsungs pa ltar/ gzhan dag rang lugs sogs bla sprul dge bshes sogs dang sbas gtam ji ltar mdzad kyang / thog ma'i zhal bzhes de la sus kyang lung rigs sogs gang nas brtags kyang bsnyon du mi nus pa rdo rje'i tshig ltar kun gyis khas blang mi zhu mthu med lta bu yod skad dang / yang gong 'phros las/ mkha' spyod dga' ma'i tshogs 'khor nag 'gros sogs/ /sngar tsam brtsams dngartsom mus yin no zhu/ /zhes gsungs pa ltar gsum pa rtsom pa nyi ma'i 'od zer gyis rgyal bstan rgyas par mdzad tshul ni/ yab rje rdo rje 'chang kun dga' blo gros kyi gsol 'debs le tshan rnams dang / gzhan nyid kyi dbu bla mus chen sogs la gsol 'debs brtan bzhugs mang ba gnas