[A:508]mkho ba'i legs bshad kyi tshogs kyang mang du snang ba pod chen bdun tsam long tshod bcas dang / yang rnam thar rtsa tshig gong 'phros las/ rtsa rgyud brtag gnyis la sogs bshad sgrub kyi/ /dam chos kun la bslab sbyangs mang du byas/ /da dung ma shi bar du bslab sbyang 'dod/ /zhes gsungs pa ltar dam pa'i yon tan gsum tshan gnyis pa thos bsam sgom gsum las/ dang po gnyis ni gong du brjod pa ltar/ /phar tshad 'dul mngon dbu ma sdom gsum ste/ /pod chen drug tu sa skya pa rnams bzhed/ /drug po 'di la deng sang 'chad nyan dar/ /zhes gsungs pa rnams kyi rgyugs 'bul dang / dbyar dgun chos thog rnams la gsung bshad kyang mang du mdzad pa sogs mdo phyogs mtshan nyid skor dang / sngags phyogs la yang lam 'bras tshogs slob gnyis la sogs pa/ grub mtha' ris med kyi bla ma rnams las gsan bsam mdzad tshul gong du smos pa bzhin dang / dges rdor rtsa rgyud brtag gnyis/ bde kyai gsang gsum/ nA ro mkha' spyod bdag med ma/ kun rig chos spyod rigs/ rdo rje'i chos skyong gtor bsngo/ bskang ba'i rigs dang / rdo rje phur pa gur zhal rnams kyi gtor bzlog rgyugs 'bul mthar phyin pa mdzad par ma zad de rnams kyi gzhung dang / bshad khungs dmigs rim phra mo yan chad thugs su chud par mdzad pa dang / yang rnam thar tshigs bcad gong 'phros las/ kyai rdor bde mchog la sogs zhi khro'i lha/ /bsgom bzlas dus grangs bsnyen pa mang du byas/ /da dung tshe dang sgrub pa mnyam par