[A:509]shog /zhes gsungs pa ltar sku gzhon nu'i dus nas dgung grangs so brgyad yan la bsnyen pa mdzad rigs sa skya pa'i yab chos phyag rdor 'byung 'dul dang dges rdor/ bde mchog nag po lugs/ rdo rje phur pa/ rdo rje 'jigs byed/ grub chen dze ta ra'i lugs kyi tshe dpag med lha dgu tshe rta zung 'brel/ phyag rdor gtum po/ drang srong log tri/ ser gdong sngon mo/ gur mgon brag rdzong ma/ zhing skyong chen po tsa tu mu kha rnams kyi gzhi'i bsnyen pa mthar phyin pa mdzad pa dang / dgung grangs so brgyad man nas da dung yang lhag lha rab 'byams kyi bsnyen sgrub du ma mdzad par gdon mi za zhing / dus rgyun gyi thugs dam gyi rim pa/ biir srung phyi nang lam zab phyi nang / lam dus rgyab bas dus/ bde mchog dril bu lus dkyil/ nA ro mkha' spyod kyi bsgom bzlas dang bzhi la rje btsun sa skya pa rnams kyi thugs dam chag med rnam bzhir grags pa gtso bor mdzad cing / gzhan yang bde mchog nag po lugs 'jigs byed/ phyag rdor 'byung 'dul dang / gtum po/ seng gdong ma/ drang srong log tri/ tshe dpag med lha dgu/ byang gter lcags gdong ma/ tshe rta zung 'brel/ tshe sgrub gur bdun ma/ srung 'khor brag rdzong ma/ gzhan yang mang du yod tshad bcas dang / dgong khar phur chung gtor bsngo chen mo bskang ba thugs dam ma bcas chag med mdzad cing / de steng brgyad/ bcu bzhi/ nyer gsum/ nyer drug nas gnam gang bar dus gtor rnams phyag len bzhin mdzad pa sogs la brten/ kun gyis bzhin ras la dngos su lta bar mi bzod pa dang / gsung thos