[A:512]dus snyigs ma lnga bdo ba'i gdul bya ma rungs pa dag la cung zad thugs ma rangs pa yang 'khrungs te/ re zhig zhing khams gzhan du gdul bya rgya che ba la dgongs te/ gzungs sku'i bkod pa bsdus tshul ni/ 'di skabs sngon rjes rnams su sku thog 'dir phyag 'byor byung ba'i spu dkar gzhis su skabs re phebs te/ bcad rgya sogs la 'gyang tsam bzhugs srol yod tshod kyi 'di skabs kyang de bzhin yin tshul gyis phebs te 'gyang tsam bzhugs par glo bur du bsnyun te/ 'dir bdag khri dang mdzod pa sogs snang med kyi mur gnas tshul gsan ma thag zhabs rim rgya cher sbad spung dang lhag par bdag khri padma'i mtshan can nyid mi mjal dogs pas nam nyin ltos med kyis spu gzhis su phebs par/ khul de'i ko gru sogs la ma ltos par gtsang chur phebs rtsis mdzad pa na yab rje dpal ldan chos skyong de nyid spur gzhis kyi thog khar sku gzi mdangs can bzhengs te gzigs rtog gnang ba gzigs pas cung zad lhod par gyur kyang nang du phebs skabs/ o rgyan gnyis pa 'gro mgon dbang sdud snying po de nyid dgung grangs zhe bdun pa sa sprel zla ba bzhi pa'i tshes bcu drug la rnga yab gling du sprul pa sprul gzhi o rgyan gyi thugs kar bsdus te/ dbyer med ro gcig tu gyur zin par dngos su mjal phrad ma byung yang sku gdung rin po che'i mdun du phyag gyang 'gyel ba ltar du 'tshal gnang gis sku gdung rin po che phyag gnyis kyi dbu gtsug tu bzhes shing dus gsum rgyal dang rgyal sras sogs shlau ka gsum po 'di